Vinnustevnan Faroexpo verður í ár - 2014 - hildin á tíggjunda sinni, frá mikudegnum 22. oktober til fríggjadagin 24. oktober. 

Í ár eru vit fegin um at kunna bjóða betri karmar um Faroexpo enn nakrantíð áður. Størsta orsøkin er, at Ítróttarhøllin er útbygd, so hon er meiri enn dupult so stór, og harumframt er tann mest nýmótans høllin í Føroyum yvirhøvur.
 
Eisini eru vit fegin um, aftur at kunna bjóða góðar gistingarmøguleikar í Runavík, eftir at Hotel Runavík er opnað við nýggjum eigarum. Karmarnir annars við Løkshøll, nýggja skótahúsinum og øllum økinum við Løkin hava ongantíð verið betur enn tað sama.
Hava tit spurningar um Faroexpo, eru tit vælkomin at seta tykkum í samband við VRG á tlf. +298 666600 ella umvegis teldupost.