Vinnuting

Nýskipan í fiskivinnuni liggur sum eitt høvuðsmál hjá nýggju samgonguni. Millum annað stendur í samgonguskjalinum at: “...høvuðsavbjóðingarnar eru at seta í verk eina nýskipan av fiskivinnuni”. Vit fara tí á Vinnutinginum nú fríggjadagin at viðgera ein lítlan brotpart í fiskivinnuni. Á hesum sinni fara vit serliga at tosa um fyrimunir og vansar við at selja allan fiskin á uppboðsølu. Vit hava fingið Mortan Berjastein frá Fiskimannafelagnum at greiða nærri frá sjónarmiðinum hjá Fiskimannafelagnum.

 

Afturat framløguni hjá Mortan Berjastein fáa vit eina áhugaverda virkislýsing frá Jaspur Langaard stjóra á Krea sum hýsir fyrsta Vinnutinginum eftir summarferiuna. Sum vant verður eisini møguleiki at netverka við onnur vinnulívsfólk í oynni.

 

Allir limir  felagsins eru vælkomnir!